იტალიური გამოცემების ცნობით, კლაუდიო რანიერი "ჯენოას” პრეზიდენტ ენრიკო პრეციოზის ესაუბრა და დიდი შანსია, ზაფხულიდან მათი თანამშრომლობა დაიწყოს – ანუ, 60 წლის სპეციალისტი კახა კალაძის მწვრთნელი გახდეს.
"ტოტენჰემი” ფანების რასისტული შეძახილების გამო შესაძლოა მკაცრად დაისაჯოს. უეფა ორიოდ დღის წინ მადრიდში ჩატარებული ჩემპიონთა ლიგის მეოთხედფინალური მატჩის დროს ინგლისელი ქომაგების საქციელს უახლოეს დღეებში განიხილავს და თუ წინასწარი ინფორმაცია დადასტურდა, მაშინ "ტოტენჰემს” მინიმუმ ფინანსური სანქცია არ ასცდება.
ჩემპიონთა ლიგის 1/4-ფინალის 4 მატჩიდან სამში ინტრიგა მოკვდა. მხოლოდ ინგლისური გუნდების დაპირისპირებაში უნდა ელოდოს გულშემატკივარი განმეორებით მატჩშიც ბრძოლას, მაგრამ ისიც უნდა აღინიშნოს, რომ პირველი შეხვედრის შემდეგ, "მანჩესტერი”-"ჩელსის” წყვილსაც ჰყავს გამოკვეთილი ფავორიტი.
21 წლის ქართველ ჩოგბურთელ ანა ტატიშვილს კარიერის საუკეთესო პერიოდი უდგას, რაც იმედია, მისი ელიტაში დამკვიდრების დასაწყისი აღმოჩნდება. საქართველოს პირველმა ჩოგანმა ამერიკულ ჩარლსტონში მიმდინარე პრესტიჟულ საერთაშორისო ტურნირ Family Cercle Cup-ზე (საპრიზო ფონდი 721 ათასი დოლარი) ზედიზედ მე-4 გამარჯვება იზეიმა, რისთვისაც 60 სარეიტინგო ქულა მიიღო და დიდი ალბათობით, ქალთა საჩოგბურთო ასოციაციის (WTA) საუკეთესო ასეულში მოხვედრა გაინაღდა.