მთავარი » 2011 » მაისი » 2 » მოურინიომ წინასამატჩო პრესკონფერენციაზე უარი თქვა
2:37 PM
მოურინიომ წინასამატჩო პრესკონფერენციაზე უარი თქვა
მადრიდის "რეალის” მთავარმა მწვრთნელმა ჟოზე მოურინიომ, ჩემპიონთა ლიგის განმეორებითი ნახევარფინალის მატჩისწინა პრესკონფერენციაში მონაწილეობაზე უარი განაცხადა. Marca-ს ინფორმაციით, პორტუგალიელი სპეციალისტი "ბარსელონასთან” გასამართი მატჩის წინ, ხვალ ჟურნალისტების წინაშე არ წარსდგება. პორტუგალიელი მწვრთნელი, მსაჯმა პირველი შეხვედრის მსვლელობისას ტექნიკური ზონიდან გააძევა და ასეთი გადაწყვეტილება ამის გამო მიიღო. მოურინიო ამით საკუთარ პროტესტს გამოხატავს, მის ნაცვლად კი, ჟურნალისტების წინაშე მისი ასისტენტი აიტორ კარანკა წარდგება. მის გარდა, პრესკონფერენციაზე "რეალის” თავდამსხმელი კარიმ ბენზემაც გამოცხადდება. "ბარსელონას” და "რეალის” განმეორებითი შეხვედრა ოთხშაბათს, "ნოუ კამპზე” გაიმართება. პირველი შეხვედრა კატალონიელებმა სტუმრად, "სანტიაგო ბერნაბეუზე” 2:0 მოიგეს.