მთავარი » 2011 » მაისი » 12 » ლიოვმა ბალაკზე კვლავ უარი თქვა და ნაკრებში როისს უხმო
10:43 PM
ლიოვმა ბალაკზე კვლავ უარი თქვა და ნაკრებში როისს უხმო
გერმანიის ეროვნული ნაკრების მთავარმა მწვრთნელმა, იოხიმ ლიოვმა იმ ფეხბურთელების სია ჩამოწერა, რომლებსაც იგი უახლოესი 3 შეხვედრისთვის გამოიძახებს. მსოფლიოს ბოლო 2 ჩემპიონატის ბრინჯაოს პრიზიორი გუნდი, 29 მაისს ურუგვაის გაეჯიბრება ამხანაგურად, სამ და შვიდ ივნისს კი, გერმანელები ჯერ ავსტრიას, შემდეგ კი აზერბაიჯანს ეწვევიან და ევროპის 2012 წლის ჩემპიონატის შესარჩევი ეტაპის შეხვედრებს გამართავენ. ამ მატჩებისთვის, ლიოვმა ნაკრებში ერთი დებიუტანტი გამოიძახა. "მიონხენგლადბახის” 21 წლის შემტევს, მარკო როისს ეროვნულ გუნდში თამაშის შანსი პირველად მიეცემა. კვლავ განაცხადს მიღმა დარჩა მიხაელ ბალაკი. მცირე ტრავმების გამო, ლიოვმა არ მოგიძახა ჯერომ ბოატენგი და პერ მერტეზაკერი.