ლონდონის "არსენალის” მაროკოელ თავდამსხმელის, მარუენ შამახის საკუთარ რიგებში ხილვის სურვილი რომის "ლაციომ” გამოთქვა. აღნიშნულ ინფორმაციას Football Italia ავრცელებს. რომაულ კლუბს რომ ძლიერი ცენტრფორვარდი სჭირდება, ეს სიახლე არავისთვისაა. შექმნილი მდგომარეობის გათვალისწინებით, "ლაციოსთვის” შამახის ვარიანტი იდეალურია, რადგან სავარაუდოდ, იტალიელებს 27 წლის შემტევის ხელში ჩაგდება არ უნდა გაუჭირდეთ. შამახი "არსენალში” მიმდინარე სეზონის დასაწყისში გადავიდა თავისუფალი აგენტის სტატუსით. თავიდან, ლონდონელები მაროკოელზე დიდ იმედებს ამყარებდნენ და ისიც ცუდად ნამდვილად არ გამოიყურებოდა, მაგრამ ნელ-ნელა, "ბორდოს” ყოფილმა ფეხბურთელმა, სათადარიგოთა სკამზე გადაინაცვლა. პერმიერლიგის მატჩში, ბოლოს, შამახმა ძირითად შემადგენლობაში გასული წლის 29 დეკემბერს ითამაშა. გავრცელებული ინფორმაციის თანახმად, "ლაციო” მზადაა შამახში 10 მილიონი ევრო გადაიხადოს. იმის გათვალისწინებით, რომ მაროკოელში "არსენალს” ფული არ გადაუხდია, შესაძლოა, ლონდონელები სათადარიგო მოთამაშის ამ ფასად გაყიდვას დასთანხმდნენ. როგორც ცნობილია, "ლაციოს” გარდა, შამახის შეძენით ფრანგული "მარსელიცაა” დაინტერესებული.