"ქართული სპორტის ქომაგებმა” მოყვარულ ფეხბურთელთა ლიგაში თამაში გამარჯვებით დაიწყეს. "დიპლომატ სერვისის” მიერ ორგანიზებულ ტურნირზე, გასულ შაბათ-კვირას პირველი ტურის შეხვედრები გაიმართა. ქომაგთა გუნდი, რომელიც D ქვეჯგუფში მოხვდა, პარტნიორ კომპანიას – "ნატახტარს” დაუპირისპირდა და 4:1 დაამარცხა. ამავე ჯგუფში, აზერბაიჯანის საელჩო და GMC ჯგუფი უგოლო ფრით დაშორდნენ ერთმანეთს. ტურში ყველაზე დიდი ანგარიშით – 8:1 "PSP”-მ საგარეო საქმეთა სამინისტროსთან იმარჯვა. მეორე ტურის მატჩები მომავალ უქმეებზე გაიმართება. შეგახსენებთ, ჯგუფურ ეტაპზე გუნდები ერთმანეთს ორ-ორჯერ შეხვდებიან. 4 საუკეთესო პირველადგილოსანი პირდაპირ მეოთხედფინალის საგზურს მოიპოვებს, ხოლო მეხუთე პირველადგილოსანი, ხუთივე მეორეადგილოსანი და ორი საუკეთესო მესამე ჩემპიონობისთვის ბრძოლას მერვედფინალიდან გააგრძელებენ.
A ჯგუფი საქართველოს ბანკი - ტაოპრივატბანკი 0 : 0 ბარამბოს ბიჭები - ავტო ბილდი 5 : 0
B ჯგუფი ბაზისბანკი - BDO 6 : 1 PSP – საგარეო საქმეთა სამინისტრო 8 : 1 C ჯგუფი სპორტმედია - თურქეთის საელჩო 5 : 2 საქართველოს უნივერსიტეტი - TBC ბანკი 4 : 0 D ჯგუფი აზერბაიჯანის საელჩო - GMC ჯგუფი 0 : 0 ქომაგები - ნატახტარი 4 : 1 E ჯგუფი ქინძმარაული - ერთსულოვნება 2 : 5 რედისონი - ტოიოტა 1 : 1