"მანჩესტერ იუნაიტედის" თავდამსხმელმა უეინ რუნიმ, რომელსაც "ვესტ ჰემის" კარში გატანილი მესამე გოლის აღნიშვნისას სატელევიზო კამერის წინ უცენზურო გამონათქვამებისთვის ორმატჩიანი დისკვალიფიკაცია მიუსაჯეს, ინგლისის საფეხბურთო ასოციაციის აღნიშნული გადაწყვეტილებით უკმაყოფილება გამოთქვა. ფორვარდის თქმით, ადრე ასეთივე საქციელისთვის არავინ დაუსჯიათ.
ნბა-ს კლუბ "მაიამი ჰიტის" კალათბურთელი ლებრონ ჯეიმსი ინგლისური საფეხბურთო კლუბის "ლივერპულის" აქციონერი გახდა. ჯეიმსმა "ლივერპულის" აქციების არცთუ დიდი პაკეტი შეიძინა, თუმცა ზუსტად რა წილი მიიღო კალათბურთელმა, ინგლისურ კლუბში არ არის დაზუსტებული.
ნიკოლოზ გელაშვილი, რომელიც "ვიტ ჯორჯიასთან" გამართული მატჩის შემდეგ, შეხვედრის ერთ-ერთ არბიტრს "შემოსწყრა", გამაფრთხილებელი ბარათებისა და სადისციპლინო კომიტეტის სხდომის დანიშვნამდე დაისაჯა და ქუთაისის "ტორპედოსთან", გუშინ გამართული, ეროვნული ჩემპიონატის მორიგი კალენდარული მატჩი გამოტოვა.
საქართველოს ფეხბურთის ფედერაციის პრეზიდენტმა - ზვიად სიჭინავამ, დღეს გამართულ პრესკონფერენციაზე პასუხი საფეხბურთო კლუბ "ზესტაფონის" პრეზიდენტს - ილია კოკაიას გასცა, რომემაც საკუთარი პრეტენზიები ერთ-ერთი მედიასაშუალებით გამოთქვა. ილია კოკაიამ განაცხადა, რომ ფეხბურთის ფედერაციაში იურიდიული ქაოსია, თუმცა პრესკონფერენციის დაწყებისთანავე სიჭინავამ განაცხადა, რომ ქაოსი არა ფედერაციაში, არამედ მის თავზეა სამი კვირაა, ვინაიდან "საკუთარი მასტერი არ უნახავს" და თმა შესაჭრელი დარჩენია, თუმცა იმავდროულად დაამატა, რომ ის ირონიით არავის ესაუბრება.
ზვიად სიჭინავამ, დღეს გამართულ პრესკოფერენციაზე ერთი ამბავი გააღჟერა, რომლის მიხედვითაც, პირველი ვალი ფედერაციას, "ფეროს" გამო დაედო, რომლის ხელმძღვანელიც სწორედ "ზესტაფონის" პრეზიდენტი - ილია კოკაიაა. როგორც სფფ-ს პრეზიდენტი ამბობს, ეროვნულ ნაკრებში ალან ჟირესის თავკაცობის დროს, "ფერო" ეროვნული ნაკრების სპონსორი იყო. როდესაც სფფ-მ ფრანგ მწვრთნელს კონტრაქტი გაუწყვიტა, გადასახდელად 108 ათასი ევრო დააკისრა უეფამ. ფედერაციამ კი ამ თანხის გადახდა ნაკრების სპონსორსს სთხოვა.
`მიხეილ მესხის` სტადიონის საპრესკონფერენციო დარბაზში სფფ–ის სადისციპლინო კომიტეტის სხდომა გაიმართა, სადაც მთავარი განსახილველი, 2 აპრილს, საქართველოს ეროვნული ჩემპიონატის 27–ე ტურის შეხვედრაში, თბილისის "ვიტ ჯორჯიასა" და ზესტაფონის "ზესტაფონს" შორის, "ზესტაფონის" ფეხბურთელების უდისციპლინობის საკითხი იყო.
არგენტინის ეროვნული ნაკრებისა და კატალონიის "ბარსელონას" თავდამსხმელმა, ლიონელ მესიმ განაცხადა, რომ მას არასდროს სურდა ესპანეთის ნაკრების ღირსება დაეცვა, რადგანაც დაიბადა არგენტინაში და მაშასადამე მშობლიური ქვეყნის ღირსების დასაცავად იბრძოლებს.
ჯასტინ ბიბერმა ”ბარსას” ფეხბურთელებთან ერთად ივარჯიშა.
ახალგაზრდა ვარსკვლავმა განაცხადა, რომ ის ”ბარსელონას” გულშემატკივარია. დღეს კანადელი ბიჭუნა ”სიუტატ ესპორტივას” ბაზაზე გამოცხადდა და ვარჯიშში მიიღო მონაწილეობა. ვარჯიშის დასრულების შემდეგ მან ტიაგოსთან, ბენიასთან, ბოიანთან, ფონტასთან და მინიოსთან ერთად ფეხბურთი ითამაშა. აღმოჩნდა, რომ ბიბერი შესანიშნავად თამაშობს მარცხენა ფეხით.
