მთავარი » 2011 » აპრილი » 7 » უეინ რუნი: მე პირველი და უკანასკნელი ფეხბურთელი არ ვარ, ვინც კამერის წინ შეიგინა
9:58 PM
უეინ რუნი: მე პირველი და უკანასკნელი ფეხბურთელი არ ვარ, ვინც კამერის წინ შეიგინა
"მანჩესტერ იუნაიტედის" თავდამსხმელმა უეინ რუნიმ, რომელსაც "ვესტ ჰემის" კარში გატანილი მესამე გოლის აღნიშვნისას სატელევიზო კამერის წინ უცენზურო გამონათქვამებისთვის ორმატჩიანი დისკვალიფიკაცია მიუსაჯეს, ინგლისის საფეხბურთო ასოციაციის აღნიშნული გადაწყვეტილებით უკმაყოფილება გამოთქვა. ფორვარდის თქმით, ადრე ასეთივე საქციელისთვის არავინ დაუსჯიათ.
"მე პირველი და უკანასკნელი ფეხბურთელი არ ვარ, ვინც კამერაში შეიგინა. ჩემი საქციელისთვის კიდევ ერთხელ ბოდიშს ვიხდი. ჩემთვის უსიამოვნოა, რომ სხვები ასეთივე მოქმედებისთვის დისკვალიფიკაციით არ დაუსჯიათ. მე ერთადერთი მოთამაშე ვარ, ვინც კამერაში წარმოთქმული სალანძღავი სიტყვებისთვის დასაჯეს. მიმაჩნია, რომ ეს არასამართლიანია. მაგრამ ნებისმიერ შემთხვევაში, ვალდებული ვარ საფეხბურთო ასოციაციის ამ გადაწყვეტილებას დავემორჩილო და წინ წავიდე. ასეც მოვიქცევი", - განაცხადა რუნიმ.