დონეცკის "შახტარის” კაპიტანი დარიო სრნა დარწმუნებულია, რომ ჩემპიონთა ლიგას "ბარსელონა” მოიგებს. ხორვატმა მარჯვენაფლანგელმა ტელეარხ "უკრაინასთან” საუბარში განაცხადა, 6 აპრილს საღამოს არანორმალური ძალის გუნდს ვეთამაშეთო.
"გვქონდა მომენტები, როგორც პირველ, ისე მეორე ტაიმში. ჩვენ ვერ გამოვიყენეთ, სამაგიეროდ, აქეთ გავუშვით 5 ბურთი. მატჩამდეც ვამბობდი, რომ დღევანდელი "ბარსელონა” მსოფლიო ფეხბურთის ისტორიაში საუკეთესო გუნდია, რაც კიდევ ერთხელ დამტკიცდა. საპასუხო შეხვედრა დარჩენილია, ხასიათის გამოვლენასა და მოგებას შევეცდებით, მაგრამ ეს ძალიან რთული იქნება. დარწმუნებული ვარ, ლიგას "ბარსა” მოიგებს”.
შეხსენებისთვის, ჩემპიონთა ლიგის მეოთხედფინალის პირველ მატჩში კატალონიელებმა "კამპ ნოუზე” 5:1 გაანადგურეს სრნას "შახტარი”.