ხოსეპ გვარდიოლა, დაასახელა იმ 20 ფეხბურთელის გვარი, რომელიც სამშაბათს გაემართება დონეცკში. როგორც იცით, სწორედ ამ დღეს იმართება ჩემპიონთა ლიგის 1/4 ფინალის განმეორებითი მატჩი, "შახტარსა" და "ბარსელონას" შორის.



მიუხედავად 5:1 გამარჯვებისა, ხოსეპ გვარდიოლამ პრეს–კონფერენციაზეც განაცხადა, რომ გადაწყვეტილი არაფერი იყო, ჯერ კიდევ გასარკვევი იყო 1/2 ფინალისტის ვინაობა. გვარდიოლამ ყველა შესაძლო მთვარი გუნდის ფეხბურთელის წაყვანა გადაწყვიტა და არავინ დაასვენა "კლასიკოს" წინ, მეტიც მან "ბარსა ბ"–დანაც გამოიძახა სამი ფეხბურთელი: ტიაგო, რომელმაც "ალმერიასთან" მატჩში კარგი შთაბეჭდილება დატოვა, დოს სანტოსი და მეკარე ოიერი.



ვალდესი და ბუსკეტსი ბრუნდებიან, დოს სანტოსი კვლავ განაცხადშია



გუნდში სიახლე ისაა, რომ "ალმერიასთან" მატჩის შემდეგ, განაცხადს დაუბრუნდნენ ვიქტორ ვალდესი და სერხიო ბუსკეტსი, რომელთაც დისკვალიფიკაცია ჰქონდათ 5 ყვითელი ბარათის გამო. გვარდიოლამ ასევე უხმო ახალგაზრდა ჯონათან დოს სანტოს კანტერადან.



მგზავრობა სამ მეკარესთან ერთად, მაგრამ ინიესტას გარეშე



გუნდს ვერ დაეხმარებიან პუიოლი, ბოიანი, აბიდალი და ინიესტა. კრკიჩმა "ალმერიასთან" შეხვედრაში მარჯვენა კოჭი დაიზიანა, რის გამოც იგი 6–დან 8 კვირამდე იუქმებს. პუიოლს კი კვლავ მარცხენა მუხლის ტრავმა აწუხებს. აბიდალის შემთხვევა ყველასათვის ნათელია, მან რამდენიმე კვირის წინ გიაკეთა ურთულესი ოპერაცია ღვიძლზე. ინიესტას კი მეორე ყვითელი ბარათის გამო მოუწევს უქმად ყოფნა. "ბარსელონა" 3 მეკარით მიემგზავრება უკრაინაში, ესენი არიან: ვალდესი, პინტო და ოიერი. პინტომ შეიძლება დაისვენოს, რადგანაც მის მუხლს რეაბილიტაცია ესაჭიროება, რაც შესანიშნავი შანსია ოიერისთვის.


ბოლო აღდგენითი ვარჯიში გუნდისთვის


ეს ჩვეულებრივი მომენტია, როდესაც მატჩის მეორე დღეს, ფეხბურთელები აღდგენით ვარჯიშებს გადიან "სიუდად ესპორტივაზე". პუიოლი, აბიდალი და ბოიანი კი ამასობაში მკურნალობდნენ. ვარჯიშზე იმყოფებოდა 9 კანტერანოელი: ოიერი, ტიაგო, საული, მინიო, ტელო, პლანასი, ბენჟა, ილი და არმანდო.



მატჩის განაცხადი : ვალდესი, ოიერი, პიტნო, ალვეში, პიკე, ვილია, ჩავი, ბუსკეტსი, მაქსველი, პედრო, აფელაი, მესი, ადრიანო, კეიტა, მასკერანო, მილიტო, ჟეფრენი, ფონტასი, ტიაგო და დოს სანტოსი.