ნბა-ს კლუბ "მაიამი ჰიტის" კალათბურთელი ლებრონ ჯეიმსი ინგლისური საფეხბურთო კლუბის "ლივერპულის" აქციონერი გახდა. ჯეიმსმა "ლივერპულის" აქციების არცთუ დიდი პაკეტი შეიძინა, თუმცა ზუსტად რა წილი მიიღო კალათბურთელმა, ინგლისურ კლუბში არ არის დაზუსტებული.

"ლივერპულის" აქციები ჯეიმსს კომპანია Fenway Sports Management (FSM)-თან გარიგების ფარგლებში ერგო, რომელიც "ლივერპულის" ამერიკელ მფლობელს ჯონ ჰენრის ეკუთვნის. ხელშეკრულების თანახმად, FSM რამდენიმე წლის განმავლობაში ჯეიმსის სარეკლამო კონტრაქტებს განკარგავს.

"ლივერპულმა" მფლობელები 2010 წლის შემოდგომაზე შეიცვალა - ადრე კლუბი ამერიკელებს, ჯორჯ ჯილეტს და ტომ ჰიკსს ეკუთვნოდა. გარიგების თანხამ დაახლოებით 300 მილიონი ფუნტი სტერლინგი (476 მილიონი დოლარი) შეადგინა.

ჯეიმსი მსოფლიოს ერთერთ საუკეთესო მოთამაშედ ითვლება. 2009 და 2010 წლებში ის ნბა-ს ყველაზე ფასეულ კალათბურთელად დაასახელეს.