ნიკოლოზ გელაშვილი, რომელიც "ვიტ ჯორჯიასთან" გამართული მატჩის შემდეგ, შეხვედრის ერთ-ერთ არბიტრს "შემოსწყრა", გამაფრთხილებელი ბარათებისა და სადისციპლინო კომიტეტის სხდომის დანიშვნამდე დაისაჯა და ქუთაისის "ტორპედოსთან", გუშინ გამართული, ეროვნული ჩემპიონატის მორიგი კალენდარული მატჩი გამოტოვა.



Goli.Ge ამ საკითხთან დაკავშირებით რამდენიმე დღის წინ წერდა და სფფ-ს გენერალური სამდივნოს ხელმძღვანელს, რევან შენგელიასაც ესაუბრა, რომლის კომენტარიც მაშინ აკმაოდ ბუნდოვანი იყო.



დღეს ჩვენ, კიდევ ერთხელ ვესაუბრეთ "ავტომატურ" დისკვალიფიკაციაზე, თუ რატომ გამოტოვა ფეხბურთელმა აღნიშნული მატჩი ბარათებისა და სადამსჯელო კომიტეტის გადაწყვეტილების გარეშე, რევაზ შენგელიამ საქართველოს პროფლიგის სადისციპლინო დებულება გაგვაცნო, სადაც სადისციპლინო სასჯელის განმარტებისას, 7.15 მუხლის შესაბამისად, ფეხბურთელი ნამდვილად იმსახურებდა თამაშის გამოტოვებას.



თავი 7. სადისციპლინო სასჯელი, მუხლი 7.15 - დამნაშავე ფეხბურთელს სადისციპლინო კომიტეტის მიერ მისი საკითხის განხილვამდე, ეკრძალება ჩემპიონატისა და თასის გათამაშებაში მონაწილეობის მიღება, - ამ მუხლის შესაბამისად, ნათელია, რომ გელაშვილს, საქმის განხილვამდე, მინიმუმ, ერთ-მატჩიან დისკვალიფიკაცია ეკუთვნოდა.



ამ ინციდენტთან დაკავშირებით კი ფეხბურთის ფედერაციაში ესტეკა-ს სხდომა დღის 3 საათზეა დაგეგმილი. შეხვედრის შემდეგ ცნობილი გახდება, თუ რა სანქციები დაეკისრება ფეხბურთელს.