ჩემპიონთა ლიგის 1/4-ფინალის პირველ მატჩში, მადრიდის "რეალთან” 0:4 განადგურების შემდეგ, "ტოტენჰემის” მარცხენაფლანგელმა, გარეთ ბეილიმ საკმაოდ ოპტიმისტური განცხადება გააკეთა. ახალგაზრდა უელსელის თქმით, მას შემდეგ ეტაპზე გასვლის იმედი კვლავ აქვს.
"ლონდონში, ჩვენი საუკეთესო ფეხბურთი უნდა ვაჩვენოთ. ჩვენი მიზანი იქნება მეტოქის ვარსკვლავების შეჩერება და გოლების გატანა. ყველამ კარგად ვიცით, რომ ძალიან რთული ამოცანის წინაშე ვდგავართ, მაგრამ ვთვლი, რომ ფეხბურთში ყველაფერი შესაძლებელია. ნებისმიერ შემთხვევაში, მოედანზე არ გავალთ დაცვითი ფეხბურთის სათამაშოდ იმის შიშით, რომ კვლავ წავაგებთ. იმედი მაქვს, რომ მოვიგებთ, თან, სასურველი ანგარიშით” – ციტირებს ბეილის სიტყვებს Sky Sports.