გუშინ მოპოვებული გამარჯვებით ”ბარსელონას” ევროპულ ტურნირებზე საშინაო მოგებების ცხრა მატჩიანი სერია გაუგრძელდა. კატალონიელებმა მსგავსი რეკორდი მხოლოდ ორჯერ დაამყარეს.

ევროპულ ტურნირებზე ”ბარსელონამ” უკანასკნელი მარცხი ყაზანის ”რუბინთან” განიცადა. მაშინ კატალონიელები 2-1 დამარცხდნენ.ამის შემდეგ მათ მარცხი არ განუცდიათ საკუთარ მოედანზე.

2009 წლის 20 ოქტომბრის შემდეგ ”კამპ ნოუს” ცხრაჯერ ეწვივნენ მეტოქეები ევროპული შეჯიბრის ფარგლებში და ცხრაჯერვე მსხვერპლის მანტია მოირგეს. ”ბარსელონამ” ორჯერ მიიღო სტუმრად მილანის ”ინტერი” (2-0; 1-0), ასევე ორჯერ უმასპინძლა ლონდონის ”არსენალს” (4-1; 3-1), ხოლო თითო-თითოჯერ მიიღო ”შტუდგარტი” (4-0), ”პანათინაიკოსი” (5-1), ”კოპენჰაგენი” (2-0), ყაზანის ”რუბინი” (2-0) და დონეცკის ”შახტარი” (5-1).

9 მატჩიანი საშიანო მოგებების სერია, ევროპულ ტურნირებზე, ”ბარსას” 1977 წლის დეკემბრიდან და 1979 წლის ნოემბრამდე ჰქონდა, შესაბამისად ძველი სტილის ”უეფას” თასისა და თასების მფლობელთა თასის გათამაშებაში. გუნდის რეკორდი ”ოცნების გუნდმა” გაიმეორა (1993 წლის მარტი - 1994 წლის ნეომბერი).