საქართველოს ვაჟ კალათბურთელთა მე-20 ეროვნული ჩემპიონატის ერთ-ერთი საუკეთესო გუნდი "არმია”, რეგულარული ჩემპიონატის დასრულების შემდეგ ბათუმში გაემგზავრება და ფლეი ოფისთვის მზადებას 17-29 აპრილს, სასტუმრო "მარინაში” გაივლის. ამის შესახებ, "მსოფლიო სპორტს” "არმიას” პრეს სამსახურის თანამშრომელმა, ლელა აბრამიშვილმა განუცხადა. შეგახსენებთ, რომ მიმდინარე ჩემპიონატის პირველი წრის დასრულების შემდეგ, "არმიამ” პირველი შეკრება სლოვენიაში გაიარა. აღნიშნულმა შეკრებამ ნაყოფი გამოიღო და ძალოვნებმა საქართველოს თასი მოიგეს. ეტყობა, "არმია” ჩემპიონობასაც აპირებს და ბათუმური შეკრების გავლაც ამიტომ გადაწყვიტა. კარგი იქნება, საქართველოს თავდაცვის სამინისტროს სხვა გუნდების მფარველი ორგანიზაციებიც თუ მიბაძავენ და მათ კლუბებს მეტ ყურადღებას დაუთმობენ.
|