ინგლისური "ლივერპულის” დანიელი მცველი, დანიელ აგერი გუნდს სეზონის ბოლომდე ვერ დაეხმარება. ეს ცნობილი მას შემდეგ გახდა, რაც ექიმებმა დაასკვნეს, რომ 26 წლის უკანახაზელს ოპერაცია სჭირდება. სამთვიანი იძულებული შესვენების შემდეგ, აგერი მოედანს მიმდინარე წლის დასაწყისში დაუბრუნდა, მაგრამ ფეხბურთის თამაში მან მხოლოდ 3 თვე შესძლო. "დანიელს მუხლზე აქვს პრობლემები და მას მოედანზე, მიმდინარე სეზონში, ვეღარ ვიხილავთ. იგი ვარჯიშს მხოლოდ რამდენიმე თვის გასვლის შემდეგ განაახლებს” – ციტირებს "ლივერპულის” მთავარი მწვრთნელის, კენი დალგლიშის სიტყვებს Sky Sports.
|